清蒸石斑5大貼士 灒上自製鮮甜蒸魚豉油

就快中秋節，不少人都喜歡蒸石斑或者蒸其他魚，大魚大肉，好好慶祝。蒸魚做法雖然較為簡單，原來都暗藏「貼士」。

蒸魚5大貼士：

1. 洗乾淨要抹乾

買新鮮魚的時候請魚販劏好，清理內臟，攞回去只需清洗抹乾就得。如果買到回去不是即刻煮，就不要清洗，原條放入雪櫃，蒸之前先攞出來處理，以保新鮮。

2. 葱墊碟底

除咗部分葱放喺魚面，準備多一啲蔥切段放碟底。這樣除了可以令魚均勻受熱，避免黐底，亦都避免魚身浸住標出來的魚水，令肉質更嫩滑。不用葱亦可以用筷子代替。

3. 一氣呵成

水滾之後放入魚，用大火蒸。1斤魚大約蒸6分鐘，2斤大約蒸12分鐘，亦都可以問魚販就最準確。蒸的中途最好不要掀蓋睇或者翻蒸，寧願之後用滾油輔助。

4. 自製蒸魚豉油

豉油：老抽：糖：水比例是2：1：1：1，再落油煮滾。

5. 灒上滾油

魚蒸好之後放上葱，然後將煮滾的蒸魚豉油灒上。如果魚仲有點未熟，就可以這個時候補救。即使已經蒸熟，灒上油之後的魚味都會更加滑溜。