產後坐月必不可少 豬腳薑助媽媽補氣血

坐月的時候當然少不得豬腳薑！除了可以幫各位媽媽補補身子，還可以送給親朋好友共享喜悅！

豬腳薑有補氣血、驅寒祛風、醒胃可口的作用，所以特別適合孕婦食用。豬腳薑帶溫熱性質，如果身體本身陰虛火旺、偏濕熱，如容易口乾、便秘、肚瀉等，就不要食那麽多啦！同時，如果腸胃不要就要注意，薑醋帶酸，加上豐富膠質，可能會刺激胃酸同容易食滯。

豬腳薑簡易食譜

材料：

甜醋 5斤

黑糯米醋 半斤

豬手 /豬腳 2隻

雞蛋 10 隻 (可根個人喜好加減)

大肉薑  3 斤

做法：

1. 將大肉薑去皮拍鬆，落鑊細火炒至乾身之後，落 1 湯匙油煎香，備用。
2. 用中大火，用瓦煲煮滾甜醋、黑糯米醋，再放入薑（醋要浸過薑面），煮滾之後用細火再煮約 10 分鐘。
3. 豬手 / 豬腳去毛後汆水 15 – 20 分鐘，再用凍水沖走肥油，備用。
4. 將已入味的薑醋重新煮滾，再放入豬手 / 豬腳，煮滾之後用細火炆大約 1 個半小時至軟腍。
5. 最後加入雞蛋，煮滾之後熄火，浸雞蛋三小時至一天不等，直至表面上色，完成。進食前可以先翻煮，隔日食效果更好。