寶寶補充營養不單調 2款紅蘿蔔副食品食譜

紅蘿蔔是低過敏原食材，做成副食品泥好香甜。紅蘿蔔富含β-胡蘿蔔素，而β-胡蘿蔔素在體內會轉化為維他命A，可以保護黏膜、眼角膜，亦富含豐富的食物纖維、鉀，係好有營養的蔬菜。

紅蘿蔔蕃薯泥

材料：紅蘿蔔、水、米、蕃薯

步驟：

1. 將米煮成粥／飯，用攬拌機打成米糊。
2. 將紅蘿蔔切絲，落1茶匙油，將紅蘿蔔炒熟，再放入攬拌機加水打成泥。
3. 蕃薯切小塊蒸熟，再放入攬拌機加水打成泥。

將米糊、紅蘿蔔泥、蕃薯泥混合，完成

紅蘿蔔蘋果黃豆泥

材料：紅蘿蔔、水、黃豆、蘋果

步驟：

1. 黃豆用暖水浸一晚，第二日輕輕用手搓洗黃豆，搓走豆殼，再靜置一下，豆殼會浮喺水面，再將殼撈走。
2. 將黃豆放入碗，加水浸過黃豆，再將黃豆蒸熟，取出黃豆加水打成泥。（150g黃豆可以加入100g水打成泥。）
3. 將米煮成粥／飯，用攬拌機打成米糊。
4. 將紅蘿蔔切絲，落1茶匙油，將紅蘿蔔炒熟，再放入攬拌機加水打成泥。
5. 蘋果切小塊，煮熟之後再放入攬拌機加水打成泥。
6. 將所有食物泥混合，完成

食唔晒的食物泥可以分別倒入冰磚盒，製成冰磚。要食的時候將冰磚倒入出嚟，放入電飯煲加熱，煮好後攤涼就可以俾BB食。